٢٨ مارس، ٢٠٠٩

عنــها طفـلـــةً..




ذاتَ حياة، كانت طفلة وردية..

بأعين زنبقية وقلب من بنفسج..

كانت تحلم بتسلق جبل .. شاهق، حد النجوم علوه.

بالأخضر مغطى لا بالبياض.

تحلم أن تنظر للأفق من أعلى قمته -فوق السحب وبين ألوان قوس قزح- فترى الحقيقة كاملة:

البشر بضآلة حبات الرمل.. العالم بحجم عُلبة كبريت.

صباحًا، قررت..

لملمت قطعها المكسورة

برفق، وضعتها في حقيبة بلون ضفائرها،

وضعت معها حبات السكر والبندق وقطع الكعك.. أما أوراق النعناع فكانت زيادةً للأمان.

لم تنسَ بالطبع إحضار..

النسمة التي داعبتها يوم كانت (فرحانة أوي)

ثم الآهة التي كسرتها يوم كانت (زعلانة أوي)

وكلمسة أخيرة.. اقتلعت لون الورد والزنابق و البنفسج من جذور روحها.

أحكمت غلق الحقيبة .. ثم رفعتها على ظهرها الغض.

حين بدأت في التسلق.. حملتها أجنحة العصافير .. رافقتها بالونات الأطفال وفقاقيع الصابون.


في أعلى الأعالي وجدت الطفلة أسماكًا طائرة وفراشات مغردة..

كانت بسعادة النور... حيث لا ظلال

وكمن تحيا لأول مرة..

أنشدت أغنيتها لآخر مرة:

كل شي عم يخلص
السهر والاحلام
كل شيء عم يخلص
الضجر والإيام
الطريق عم يصغر ونحنا ع الطريق
رح تخلص المسافة.. والطريق

جلست الطفلة فوق صخرة بقمة الجبل..

أنزلت الحقيبة عن ظهرها..

بأصابعها الصغيرة البيضاء فتتت ما تبقى من قلبها المثقوب وأضافت فتاته لمحتويات الحقيبة.

احتضنتها لساعات ثم بقبلة مسكية العبق ودعت ما بها.

بأمل مريح -لا بفعل الراحة ذاته- أمسكت أطراف الحقيبة ..وقفت في اتجاه الرياح..

وقفت على أطراف أصابعها المنمنمة ورفعت الحقيبة بأقصى ماتطال قامتها القصيرة.

ثم كحبات المطر..

بدأت تهطل قطعها المكسورة ذات رائحة البنفسج وطعم السكر.. بغزارة وريقات الخريف مع رياح الأغنية:

كل شي عم يخلص
السهر والأعياد
والسفر عم ينده
بمطارح بعاد

الخريف عم يخلص

ونحن بالخريف

والضبابة غطت الرصيف


حال غسلت العالم بلون طفولتها الوردي،

كانت وأخيرًا قد نزعت عن عينيها نظرتها شديدة اللمعان نحو العالم والتي حالت دومًا بينها وبين حقيقته/ عتمته.

الدني عم بتغيب.

تمت
-_-_-_-_-_-_-_-_-

أبطال الأغنية:
ماجدة الرومي - إلياس الرحباني

21 فضفضوا:

إيناس حليم يقول...

تحلم أن تنظر للأفق من أعلى قمته -فوق السحب وبين ألوان قوس قزح- فترى الحقيقة كاملة:

البشر بضآلة حبات الرمل.. العالم بحجم عُلبة كبريت.


على فكرة انت ليكي مستقبل حلو جدا ان شاء الله
بجد ما شاء الله عليكي
بجد بجد تسلم ايدك

************
على فكرة يا جميلة,فيه صديقة ليا نبهتني ان مدونتي مبتظهرش التحديث عندها وانها معلقة على بوست اوباما :)
مش عارفة ليه كدة ولاحظت انها كدة عندك انت كمان وعند كذة حد فأنا حاولت احل المشكلة وعملت البوست ده مسودة
معلش هتعبك ياريت تحاولي تمسحي المدونة وتضيفيها تاني بس اتأكدي انك بتضيفي اللينك الاصلي مش بوست معين

لك أرق تحياتي

نهى جمال يقول...

نص بطعم الفراشات و البنفسج

استمتعت بصدق
تحية لبراءتك :)

walaa bahaa يقول...

تسلم ايدك ياقلبي
حلوة أوي

ماما يقول...

عشت مع البنوته دي لحظه بلحظه
وخفت لما قلتي ان كل شئ بيخلص
ولكنها الحياه
تسلم ايديك الصغيره البيضاء

Ahmed Hishmat يقول...

عندما تستقبل هي نهاية البداية من قمة قمة العلو ، يعلو علىإثر ذلك ما تخفى عليها من ضبابات القيعان
سائلة في نفس اللحظة طلبا أخيرا
بغير وجومها المعتاد حين غياب التفاسير التي كان يلقنها بها الأخرين
تشتم بين كلماتهم رائحة الجهالة الرافض لها إحساسها المرير بالغياب
ربما تجلو عن عنييها كل ما شاب النظرات البدائية البريئة من اللغط والهمهمة
ربما تحرس من خلف ذراعيها طلاقة الطاقات المنيرات بابتساماتها الشاحبات

غيب وتخمين
وآه من نفوس العالمين
........
روعة يا ريم

كأنني أنا يقول...

ايناس جليم اللي دايما منوراني:)

تسلمي يا قمر ويسلم لي تشجيعك.

**********
ايوه فعلا يا ايناس..

انا كنت محتارة جدا في الموضوع دا وقلت يمكن دا اوبشن انتِ عاملاه أو في حاجة بايظة في المدونة.. وخصوصا اني بادخل من الموبايل ومدونتك انت بالذات وكام حد كدا مش بتفتح أصلا عندي .. فما بكونش فاهمة حاجة بأمانة D:D:

أنا عملت اللي انت قلتِ عليه .. يارب ينفع بجد عشان أنا نفسي فعلا أتواصل معاكِ اكتر من كدا يا جميل :)

كأنني أنا يقول...

نهى جمال:

أنا المستمتعة بوجودك :)

مودتي

كأنني أنا يقول...

ولاء الحبيبة وصديقة العمر:

:)))

مش مصدقة انك هنا.. ومش مصدقة اصلا انك فاكرة

استني بس على ما استوعب المفاجأة..

انت فعلاً صديقة العمر :)

كأنني أنا يقول...

مامتي:

هي الحياة إذا.. :))

تسلم ايديكِ اللي ايديا شكلها..

كأنني أنا يقول...

أحمد حشمت:

((تشتم بين كلماتهم رائحة الجهالة الرافض لها إحساسها المرير بالغياب))


احساس "ممتع" بالعجز أمام كلماتك..

ماكانت روحي لتسع حروف مضيئة كتلك.


زيارتك بحق تضيف الكثير لفراشتي:)

شكرا لك

walaa bahaa يقول...

حبيبة قلبي وعمري بجد زعلانة منك هو أنا امتى بس نسيتك عشان متصدقيش اني فاكرة هو في حد بينسى نصه التاني ياريم؟؟؟

أنا قلت لك قبل كده وهقول تاني الحاجة اللي انتي بتحبيها هحبها على طول انتي بس شاوري عليها

وانتي اللي صديقة العمر بجد اللي أنا تايهة من غيرها

رئـيس التحـرير يقول...

دعوة خاصة للمشاركة في مجلة رؤية مصرية والإنضمام لفريق التحرير
ننتظر مشاركتك وردك على بريد المجلة
ibrahemaladawy@gmail.com
يمكنكي الدخول للمجلة من http://roayahmg.blogspot.com/
في انتظارك
مودتي

روابط يقول...

صورة أكثر من رائعة تلك التى خطها قلمك هنا, فى الحقيقة هى تفضح موهبتك كذلك

جمال النص فى بساطته, عفويته, ومرونته أيضأ, مما يترك الفرصة متاحة لكل منا لتؤيل النص حسب رؤياه

تقبلى تحياتى

Nour يقول...

أنا قلت أعدي أسلم أحسن الجميل بقاله مدة مش ظاهر :))
اظهر وبان عليك الأمان بقى! :)

كأنني أنا يقول...

ولاء:
ربنا ما يحرمني منك أبدا:)

كأنني أنا يقول...

رئيس التحرير:

شكرا على الدعوة الجميلة دي ربنا يبارك فيك وفي المجلة يا فندم .. الله المستعان :)

كأنني أنا يقول...

حازم سويلم:

تقبل أنت شكري على رأيك الجميل

أخجلتم تواضعنا.. :)

كأنني أنا يقول...

القمر أوي.. نور:

ماتتصوريش أنا فرحت أد ايه لما لاقيتك في فراشتي..

أنا قرأت ردك ساعت ما كنت زعلانة أوي عشان بيغيروا الساعة وأنا كل سنة باقعد 3 ايام كدا في حالة اكتئاب وصمت بسبب الموضوع دا..

انت لاشيتِ تأثير سرقة الساعة:)

شكرا لك..


--------------------

أما عن الغياب فأعتذر للجميع عنه..

انهارده بدأنا "فارما" أول امتحانات آخر السنة وبقالنا فترة متبهدلين بجد في العملي..

انا خايفة أوي:((((

ادعوا لي

Nour يقول...

:)))
ماتخافيش يا فراشة :) وعلى رأي عمنا تميم البرغوثي:

"قد كان هذا كله من قبل واجتزنا به
لا شئ من هذا يخيف، ولا مفاجأة هنالك
يا أمتي ، ارتبكي قليلاً، انه أمر طبيعي
وقومي
انه أمر طبيعي كذلك"

طمنيني عليكِ دايماً :)

كأنني أنا يقول...

عارفة يا نور..

أنا اكتشفت اني فعلا ماكنتش محتاجة أكتر من كدا عشان اتطمن:
قلب بينور زي قلبك.. و(ارتبكي قليلاً،
انه أمر طبيعي
و
قـومـي)

شكرا بجد:)



"بي اس : بدأوا يقلقوا عليا في البيت من حفلات الفرح المفاجئة اللي باعملها
لهم بسببك D:"

Nour يقول...

:)))
شكرًا على إيه بس يا حبيبتي.. المهم بس ترفعي راسنا في الامتحانات D: ياللا أنتِ قدها وقدود :))

بي. إس: فرحك.. يفرحني :)) يا رب دايمًا
:))