٢٤ نوفمبر، ٢٠٠٨

يوم من غير..ها



عندما استيقظت صباحا
ادركت فورا انه احدى تلك الايام المزعجه
التى اقضيها محدقه باذبهلال بكل ماحولي
مراقبه كل تفصيله صغيره لكل كائن يتحرك او ثابت..
لان العالم بعيني يتحرك بابطئ سرعه

ولان الالم يكون مضاعف بتلك الاوقات
طمئنت قلبي باننا الان نمتلك علاج نفسي سريع ومتوافر
فراشه ضاحكه وجيلي كولا..
-يعني كله هيبقى تمام يا ابني-

_ _ _ _ _ _ _ __

- تؤ
* في ايه؟
- انتي شايفه الفراشه البيضاء اللي هنا ك دي ولاانا اتجننت؟
*اه مالها؟
- اصلها شبه ريم اوي!
* وطب دي حاجه تضايق؟
- لا اصلها بتلف حواليا كتير النهرده
حاسه انها عايزه تقولي حاجه!
(نظره استغباء موجهه ليا طبعا)

_ _ _ _ _ _ _ _ _ _

بتلك الاوقات
احاول تجنب اي مضايقات خارجيه
ولكن كان لابد من مواجهه اجلتها كثيرا
وكالعاده كانت النهايه كما توقعت

حاولت ان اسرع الحركه قلبلا حتى لا اضطر الى ملاحظه
ميلاد كل دمعه بعينيها ..اهدابها المبتله.. حركه يديها ذات الاظافر المنمقه
ولكن لم يفلح الامر
فانشغلت عنها بمحاوله ابتكار اشكال من السحب
- خدتي بالك من شكل السحاب النهرده؟- كان زي ما بنحبه بالظبط ابيض ومن غير حتت سودا وزي غزل البنات اللي زي القطن كده ولما الشمس بتيجي تحته مش بيخبيها بس بيخليني اعرف ابص لهامن غير مااغمض عيني-

سحابه على شكل قطار..ولكن عرباته تشبه النجوم قليلا

(انا عايزه اقولك بقى على فكره اني عمري ماغلطت فحقك وانا قاصده وعمري ماحاولت ازعلك)

نيزك؟..مممم لا قوس قزح قطني يحمل فراشه

(اذا كان وصلك اي احساس غير كده فسوري يعني الغلط مش مني انا انتي اللي غلطانه)

تنين يحمل بالونه.. او ربما بطه !

( وبعدين اصلا انتي من زمان محتاجه تقوي شخصيتك شويه ..الغلط مش مني منك انتي)

* بقولك ايه
تفتكري الفراشه دي عايزه تقولي ايه؟؟

(نظره فاقرب فرصه هدخل الكونترا فايدك واخليه يظهر كحادثه)

13 فضفضوا:

Muhammad Mammdouh يقول...

هو فى اية والله عايزك تخبطينى على دماغى انا تهت وانا مركز معاكى اية الى حصل لعله خير تحياتى
اهااااااااانسيت انك من المريخ

غير معرف يقول...

مش قادره انسي اني طبيبه ولذلك لفت نظري قولك انك تنظرين للشمس من خلال السحاب ارجوكي بلاش تنظري للشمس خالص لان اشعتها المباشره والغير مباشره ضاره بالعين..حفظكي الله يانور العين
عارفه ان ده لا يمت للادب والشعر والخيال
sorryهههههههههههههههه

عايش علي الهامش يقول...

جيت كام زياره من عندي لهنا اخد اتوبيس من الهامش وأوصل الاقي الباب مقفول ويقول البواب الرخم انت مش مدعو....اروح وارجع بعد يومين اقول يمكن بيغيروا الديكور والمره دي اجي في تاكسي يطلع البواب الارخم من الرخم الاولاني ويقولي انت مش مدعو خالص مش بتفهم شكلك كده وهتتعبني لو عندك اميل جديد مدعو اركبه وتعالي بيه
اقلب في النت واعمل ابحاث وادور هو الفراش انقرض طيب دخان قش الارز اثر عليه ملقتش حاجه قررت اعمل الشئ الي بعرف اعمله ايأس واركن في الهامش ازز لب وغريبه قررت النهارده اخد طياره واجي ولقيت البواب الرخم مطرود وجالي البواب الوردي الهادي والفراش الي بيلف حول كوكب زوحل والمجموعه الشمسيه الهادئه فعرفت اني دخلت قرات عن سحب علي شكل قطار وحد بيعتزر وكولا بتعدل المزاج فقلت يمكن اكون وصلت للمستقبل فقلت اخد الحذر واراجع النظر وادور فلقيت الكولا فعلا بتعدل المزاج وفيها الشفا والعلاج
و......... تخيل نسيت كنت هقول ايه وسرحت يا سعادة البيه او البيه بفتح الهاء ..... خليك طارد البواب الرخم ده علطول

شكرا لك

غير معرف يقول...

قل ماتريد لمن تريد كما تريد متى تريد
لو بعدها الطوفان قلها في الوجوه بلا وجل
ومن يفتي بما ليس الحقيقة فليلقني خلف الجبل!
نجيب سرور
أذكر أن الأبيات السابقة كهربتني ساعة أطلعت عليها أول مرة
لكنها أراحتني كثيرا بعدها..
خير من إهدار الكونترا..قولي ماتريدين بالكيفية التي تناسبك..راحة من هم الغيظ الذي نقع في شراكه كثيرا..

normalgirl يقول...

محمد ممدوح
ههههههه
انا اسفه والله
بس هو اليوم كان كده فعلا

د.صوفيا

بس كده لا اشعه مباشره ولا غير مباشره ولا شمس خالص انا هلبس شمسيه خلاص:D
وحضرتك تقولي براحتك ادب مش ادب كفايه بجد انك نورتيني
والف حمد الله على السلامه المفروض بحسابات ريم تكوني وصلتي بالف سلامه:)

عايش على الهامش

وبيقولو عليا انا كلامي بيلخبط ويتوه:d
بس اللي خرجت بيه انك عجبك حاجه مش المكتوب
يارب اكون فهمت صح:)

الغير معروف

عندك حق
بس مش سهل التنفيذ
ومش كل الناس بتعرف تعمل كده
د غير ان الكونترا كانت هتدخل فايدي انا :D

ياسمين نعمان يقول...

هو أنا بصراحة مفهمتش أوي .. بس بجد عجبني الاسلوب فعلا .. رقيق و هادي
، و عجبتيني و انت بتشوفي الأشكال في السحاب ..
هو ايه الكونترا ده؟؟
تدوينة لذيذة فعلا .. بس عايزة ترجمة :-)))

اقصوصه يقول...

حلوه التدوينه

استمتعت بقرائتها

بإنتظار المزيد

أنــا يقول...

بعد جهد جهيييد .. وبعد قراءه التدوينه عما يزيد عن العشرون مره ... ـ فهمت فهمت ...يااااااااااه والله احساس رائع انك توصلي لحاجه بعد ماتتعبي عشانها ـ ..
أعجبتني حقا تدوينتك .. وكيف تهربتي من تلك المواجهه مع صديقتك بالتحليق في السماء ..ربما قد فعلتها قبلا ..لكني لم اكن أفلح في ذلك الهروب .. وكنت دائما أضطر لتلك المواجهه .. ربما كانت ضروريه .. مع احتماليه "استمراريه الزعل" .. الا انها مريحه ايضا ..
لم افهم بدايةً ـ مين اللي هاتدخل الكونترا في ايد مين بس اللي عرفته انها مفتريه :):) ـ ولكن بعد قراءه متمعنه ادركت ذلك الغيظ اللذي انتابها من تصرفك معها ..ـ مما ادى الي حاله هستيريا وكانت النتيجه هاتبقى مأساويه ـ .. بس ربنا ستر :):)

بصي بعد كدا اي حد يضايقك او يزعلك .. روحي لميس الريم .. قصدي لفراشتي .. وخدي منها الجيلي كولا .. بس ماتكليهوش !!
تعالي اديهولي :):)

واحد يقول...

عدنا..والعودأحمد
:))))

normalgirl يقول...

ياسمين

انا وانا بكتبها والله مش حسيت انها معقده كده:(
بس منوره يا جميل
والكونترا دي بقى اداه جميله كده بتستخدم فطب الاسنان
بلاش اشرح لك تفاصيلها عشان مش تتعقدي:D

normalgirl يقول...

اقصوصه

سعيده بمرورك
وانها عجبتك وفهمتيها وسعيده بيها:)

normalgirl يقول...

امينه السكره

هههههههههههه
انا اتعقدت على فكره
بس خير:)
وحاضر احنا هنفلس الفراشه كده بسبب الجيلي كولا ده:D

منوره يا بنوته بجد وفرحت بوجودك

normalgirl يقول...

احمد ندا

منور بجد ومستنين كتاباتك الجايه:)